Partîyanê sîyasîyan, dezgehanê heqanê merdiman, Meclîsê Edaletî, Meclîsê Sûrîyeya Demokratîke û Îdareyê Xoser ê Demokratîkî ra 115 delegeyî tewrê forumê ''Vakur û Rojhelatê Sûrîye de qirkerdişî etnîkî û vurnayîşê demografîyî'' bîyî.

Beşdaran ra Vervatoxê Îdareyê Xoserî yê Demokratîkî yê Vakur û Rojhelatê Sûrîye Luqman Ehmêyî derheqê qirkerdişê etnîkî û vurnayîşê demografîkî yê dewleta tirke de ANF reyde qisey kerd.

Luqman Ehmêyî vat: Dewleta tirke serra 2018î de hêrişê Efrînî kerd û domanî zî tede zaf sivîlî qetil kerdî. Hêrişan de 500 hezar sivîlî neçare mendî ke koç bikê. Dewleta tirke herinda şarî de herême de cada cerg û keyeyê înan. Hema zî bi teda xîret kena ke wa şar koç biko.

Dewleta tirke 9ê teşrîna verêna 2019î de reyna hêrişê herêmanê Vakur û Rojhelatê Sûrîye kerd. Nê hêrişanê dewleta tirke yê vera Serêkanîyê û Girê Sipî de bi desan sivîlî ameyî qetilkerdene û 300 hezar ra zêdêr sivîlan koç kerd. Mabênê nê koçkeran de 80 hezar domanê koçberî zî estê. Hêrişanê dewleta tirke ra sebeb domanî perwerde ra ameyî dûrvistene. Koçberî dibistananê şaristanan ê dormeyan de ameyî cadayene. Naye ra 148 dibistanî de perwerde çin o. Koçberî cuyêka bizehmete mîyan de yê.

Cergê dewleta tirke dîmenanê ke malê şarî talan kenê wayîrê înan rê erşawenê. Sivîlê ke agêrenî şinê herême hetê cergan ra yenê qetilkerdene. Dewleta tirke bi barbarîya xo wazena şaro ke zulmê Osmanijan ra xelisîya çin bika.

Êyê ke verê sucanê dewleta tirke ye vera merdimîye bêveng manenê hemparê nê sucan ê. Bi nameyê Îdareyê Xoserî yê Demokratîkî ma wazenê multecîyê Vakur û Rojhelatê Sûrîye bigêrê erdê xo. Dewleta tirke wazena demohrafîyê herême bivurna û qirkerdişê etnîkî bika. No hetê qanûnanê mîyanneteweyan ra nêno qebulkerdene. Derheqê sucanê dewleta tirke de dokumentî estê. Nê dokumentî pêşkêşê dezgehanê heqanê merdiman yenê kerdene."