Endama Konseya Serekîya Pêroyî ya KCKyî Elîfe Ronahî dîyar kerd ke Alî Haydar Kaytan PKK çarçewa cinîye de ercna, çareserîya meseleyanê komelkîyan û vurnayîşê komelî de cinîyî tim sey serkêşan dîyî.
Kongreya 12ine ya PKKyî de amebi îlankerdene ke ronayoxanê PKKyî ra Alî Haydar Kaytan (Fuat) şehîd bîyo.
Endama Konseya Serekîya Pêroyî ya KCKyî Elîfe Ronahîya 1979 ra nata Kaytan şinasnayêne ajansê ma rê derheqê ey de qisey kerd.
Elîfe Ronahî vat: ‘’Sere de ê Rayberê ma sereyê şarê Kurdîstanî, cinîyan ê kurdan, rêxistine û dostanê ma weş bo.
Embaz Fuat ronayoxanê PKKyî ra yew bi. Ey destpêk de Rayberîye şinasna, bêteredut têkoşîn de cayê xo girewt. Şehadetê embaz Fuatî xora seba partîya ma dejêko giran o.
Embaz Fuat tim zerrî ra xebitîya. Hetê felsefî, îdeolojîk û polîtîkî ra hetê caardişê asta taktîkî, rêxistinî, stratejîkî ya Rayberîye ra mîyanê kadroyî de bi pêro hêzê xo xebitîya.
Embaz Fuatî bi hezaran kadroyî zî xeta Rayberîye de perwerde kerdî. Xora Rayber Apoyî vatibi ‘Tewr zaf Embaz Fuat mi fam keno. Embaz Fuat heta şehadetê xo layîqê Rayber Apoyî bi. Ey Rayberîye de embazîye kerde.
Embaz Fuatî Dêrsimî ser o zaf ercnayîşî kerdî. Rayberîye embaz Fuatî rê vatibi ‘Na cografya, no şar ganî bêrê azadkerdene.’ Nê qiseyî tesîrê embaz Fuatî kerd.
Embaz Fuatî PKK çarçewa cinîye de ercna, çareserîya meseleyanê komelkîyan û vurnayîşê komelî de cinîyî tim sey serkêşan dîyî.’’
