Qebîleya Cibûr û Eşîra Bergara yê Rojawanê Kurdîstanî pare kerd ke ê hetê QSDyî de yê û vera hêrişanê îşxalî yê dewleta tirke wurzê we. Înan venga eşîranê bînan da ke vera hêrişan hetê QSDyî de têkoşînê hemparî bikerê.
Serekê Meclisê Qebîleya Cibûr Fewaz Zuba El Mîrhem û Şêxê Eşîra Bergara Hawad Al Ogla derheqê hêrişanê îşxalî yê dewleta tirke de ajansê ma rê qisey kerd.
Fewaz Zuba El Mîrhemî ard ziwan ke dewleta tirke ya ke xo rê vana dewleta misilmane sivîlan qetil kena û vat: ''Yew eleqeyê înan bi Îslamîyetî çin o. Dewleta tirke teyna armanc kena ke Îdareyê Xoserî çin bikera. Ma sey şaranê kurd, ereb, asûrî û ê bîann verê nê hêrişan de vinderê. Wa şar û eşîrê erebî zî vera nê hêrişan tewirê xo bimojnê. Ma heta peynî xo ver bidê û hetê QSDyî de cabigêrê. Wa pêro dinya bizana ke ma îşxalê dewleta tirke qebul nêkenê.''
Şêxê Eşîra Bergara Hawad Al Oglayî vat: ''Dewleta tirke seba qirkerdişê şaranê ma 5 rojî yo danê piro. Dewleta tirke dibistanan ra heta îstasyonanê gazî her cayî dana bombayan ver. Dewleta tirke kamca de est ba teror zî uca de yo. Dewleta tirke armanc kena ke erdo ke şehîdanê ma pê gonîya xo visto destî çin bikera, şarê ma bida koçkerdene. Wa pêro dinya vera dewleta tirke wurze payan ser. Ma heta peynî hetê QSDyî de yê û ma amade yê ke cewab bidê hêrişanê dewleta tirke.''
