Keyeyê gerîlayanê rojawanijanê ke pê destê PDKyî ameyî qetilkerdene ANFyî rê qisey kenê.

Mihemed Elo (Dêrsim) 1970 de Efrîn de dadîya xo ra bîyo. Dêrsim hema domanîya xo de PKK şinasna û 1990 de bi gerîla. Dêrsim wextêk warê Rojawanî de têkoşîn kerd, 1992 de derbazê Başûrê Kurdîstanî bi û 1993 de Heftanîn de hêrişê hêzanê PDKyî de şehîd bi. 

Waka Dêrsimî Lutfîye Elo wina qala birayê xo kerde: ''O kesêko seter bi. Her kesî tira zaf hes kerdêne. Wexto ke sinifa 6. de bi o şi Heleb û lîse zî uca de wend. Lîse de ey têkoşîn şinasna û bi hewesêkê pîlî waşt ke tewrê ci bibo. Axir peynî de bi gerîla. Ma o zerrî ra oxir kerd. Ey rayêk dadîya mi rê vat 'eke ez şehîd biba, meberme, tîlîlî bike.' 

Roja ke ma xebera şahadetê ci girewtbî zaf zehmet bîye û hema zî zaf zehmet a. Dejê ci hema teze yo. O şehîdê ma yo verên o. Ma pê ey sereberz ê. Kesê ke ê qetil kerdî ewro senî eşkenê teber de bigêrê û ciwanan qetil bikerê? Naye ra dejê ma teze yo.

Wa hînî gonîya domananê ma nêrijîye. Hînî xayînîye rê bes o. Heta nika PDKyî zaf şorişgêrî qetil kerdî. Wa PDK hînî bêro xo ser û abigêro xeta şar û şehîdan. Ganî hedê PDKyî bêro dayene.''