Keyeyê gerîlayanê rojawanijanê ke pê destê PDKyî ameyî qetilkerdene ANFyî rê qisey kenê.

Rûxweşe Şevket Mihemed (Necbîre) 1973 de dewa Şitka ya Efrînî de dadîya xo ra bîya. Keyeyê Rûxweşe 1983 de têkoşînê azadîye şinasna û Newbîre zî naye ra tim mîyanê têkoşînî de bîye. Necbîre 1989 de tewrê xebatan bena. A çar serran Heleb de û dormeyê ci de xebatanê rêxistinîye kena û perwerde dana. 

Necbîre 1993 de bena gerîla, Botan û Besta de têkoşîn kena û 1997 de warê Bergarê yê Garê de dafika PDKyî de şehîd bena.

Babîyê Necbîre Şevker Henan Mihemedî wina qala kênaya xo kerde: ''A zaf bikelecan, rîhuyaye bîye. A qerardar bîye, wexto ke aye yew xeletîye dîyêne cade rexne kerdêne. A westeya her karî bîye. A zaf meraqdara têkoşînî bîye. Rojêke aye vat ke wazena biba gerîla. Embazanê ci rizaya ma waşte, ma zî daye. Ma bi coşî Rûxweşe oxir kerde û tira vat 'Rayîrê to akerde bo.' 

PDK destpêkî ra naya xayînîye keno. Ewro zî ê hetê dewleta tirke de xayînîye kenê. Ma nê xayînan qetî xo vîr a mekerê. Ganî ma heta çilka xo ya peyêne vera xayînan vinderê. Eke ziwanê ma, kurdayetîya ma çin bê, ma zî çin benê. Sêmalka de keyeyan 4 mengan seba ke cenazayanê xo bigêrê çalakîyêke kerde. La na çalakîye xemê PDKyî de nêbîye. Êyê ke ke bîyê sebebê nê dejî û estbîyayîşê xo sey pabesteyê estbîyayîşê dewleta tirke vînenê, eşkenê kurdan rê fayde bikerê?''