Ferda Çetînî ard ziwan ke seba awankerdişê komelê demokratîkî ganî mesuldarîye û wezîfe bigêrîyê û vat: ‘’Vengdayîşê Serek Apoyî tena bi paştdayîşî nêreseno netîce. Ganî merdimî proses de aktîf bibê.’’
Rojnameger Ferda Çetînî awankerdişê komelê demokratîkî, komunê demokratîkî û erk û mesuldarîya komelî ya prosesî ercnayî.
Derheqê nîqaşanê serê bêbawerîye de Çetînî vat: ‘’Şar bi dewleta tirke bawer nêkeno. Eke dîyalogî bi hawayêkê başî şorê na bêbawerîye werte ra bêra wedaritene.’’
Ferda Çetînî îfade kerd ke seba ke Tirkîya de demokrasî est bo ganî qanûn, Qanûno Bingeyî bêrê vurnayene. Her kes seba prosesî vano ‘zaf baş o.’ Vanê ke seba averşîyayîşê Tirkîya ganî têkilîya bi kurdan baş biba. Erkê ke ganî dewlete bikera est ê. Rayber Apoyî hem seba kurdan hem zî seba komelê Tirkîya vengdayîşê Haştîye û Komelê Demokratîkî kerd. Ganî pêro dezgehî, rêxistinî û beşê komelî tewrê nê prosesî bibê, îtîraz û rexneyanê xo zî vajê. Ganî merdim awan bikero.
Mekanîzmaya Komunanê Demokratîkan esas a. Vengdayîşê komelê demokratîkî newe ra awankerdiş o. Yanî newe ra awankerdiş hewceyê sîyasetê demokratîkî yo. Ganî pêro beşê komelî bieşkê xo rêxistin bikerê, komun û meclîsê xo rêxistin bikerê. ke seba awankerdişê komelê demokratîkî ganî mesuldarîye û wezîfe bigêrîyê. Vengdayîşê Serek Apoyî tena bi paştdayîşî nêreseno netîce. Ganî merdimî proses de aktîf bibê.’’
