Endama Komîteya Serekîye ya Partîya Yewîyeya Demokratîke (PYD)  Foza Yusif derheqê pêvînayîşo ke yaroje bi Rayberê YNKyî Bafil Talabanî ame kerdene de zanayîş da.

Foza Yusif bale ante tehdîtanê girdan ê vera Kurdîstanî ser û vat: “Vera heme kurdan polîtîkaya qirkerdişî yena rayraberdene. Coka yewîya mabênê partîyanê sîyasîyan û leteyanê Kurdîstanî tarîxî ya.

Foza Yusif ard ziwan ke Yekîtiya Niştimaniya Kurdistan (YNK) despêkerdişê Şorişê Rojawanî ran ata tewiro neteweyî ramojneno û vat înan bi rayberê YNKyî Bafil Talabî derheqê tehluleyê ke çar leteyanê Kurdîstanî rî bi rî yê, yewîya neteweyîye û têkoşînê vera DAÎŞî de qal kerdo.

Foza Yusif ard ziwan ke vera tehlukeyanê çar leteyanê Kurdîstanî semedê pawitişê destkewteyanê şarê kurdî mabênê kurdan de stratejîya neteweyîye hewce kena û nê vatî: “Na babete de hemkarîya mabênê hêzan û partîyanê kurdan zaf muhîm a.  Ma vat ma sey PYDyî heme falîyetanê ke xizmetê yewîya neteweyîye kenê , înan rê amade yê. Heme xebetanê ke YNK na babete de keno ma do paştî bidê ci. Ma do pêro pîya nê xebatan bikerê. Ma semedê yewîya neteweyîye bale ante rolê YNKyî ser. Dişmen semedê cîyakerdişê şarê kurdî û Kurdîstanî şerê leyminî rayra beno. Coka sere de destkewteyê Başûrî semedê heme destkewteyanê kurdan ma amade yê ke rolê xo bîyarê ca. Ameyox de do çarçeweya stratejîya neteweyîye de tay xebatî bêrê kerdene. Ma vat ganî ma sey PYD û YNKyî nê xebetan sey îtîfaqî pîya bikerê.”

Foza Yusif ard ziwan ke înan sey PYD waşt ke wa YNK tay xebetan rê serkêşîye bikero û vat: “Semedê çareserkerdişê problemanê Sûrîye ma rolê YNKyî ser vindertî. Birêz Celal Talabanî herême de wayîrê rolêkê muhîmî bi. Coka YNK eşkeno semedê îstîkrarê herême rolê muhîmî kay bikero. Zîyaretêko serkewte bi, ma pê bawer ê ke do xizmtê vindertişê neteweyîyî, menfeatanê şarê kurdî û her he warî de îstîkrarê herême bikero.

Kurdî hewceyê xebatanê winayênan ê. PYD û YNK eşkenê rolêkê wînayenî kay bikerî. No zîyaret semedê nê muhîm bi.  Wird hetan zî ard ziwan ke do nê cehdkerdiş û hemkarîye bidomno.  Ganî hemkarîya mabênê Başûr û Rojawanê Kurdîstanî bêro xurtkerdene. Na babete de wird hetan zî qerardarîya xo mojna. Wa tekîlîyê stratejîkî yê mabênê kurdan bêrê averberdene. Ma waşt wa PYD û YNK sereyê nê biancê.  Înan zî vat ê semedê nê amade yê. Na xebeta hempare bitaybetî semedê yewîya neteweyîye zaf muhîm a.”

Foza Yusif derheqê têkoşînê vera DAÎŞî de nê vatî:“DAÎŞ inkey Rojawan, Vakur û Rojhelatê Sûrîye û Iraq de newe ra xo rêxistine keno. Cok têkoşîno hempar zaf muhîm o. Wird hetan zî vat ganî na hemkarîye bêro domnayene. Belka peyra nê kombîyayîşî Silêmanî de zî bêrê kerdene. ”

Foza Yusif reyna bale ante muhîmîya yewîya neteweyîye ser û vat: “Vera kurdan şerê qirkerdişî yeno kerdene. Vakur, Başûr û Rojawan binê tehluke de yê. Vera pêkerdişanê sey Lozanî mabênê kurdî hewceyê mutabakatê hemparî yê. Na pêkerdişê yewîye do pêkerdişanê qirkerdişî çîn bikero. Cehdkerdişê winayenî xizmetê nê armancî kenê. Pê nê falîyetan ma eşkenê verê qirkerdişanê neweyan bigêrê. Ma na qerardarîye Birêz Bafil Talabanî de dîyî û no zaf muhîm o.”