Cerganê DAÎŞî yê ke 6 serrî verê cû tersêko pîl da zerrîya merdiman ê Rojhelatê Mîyanênî û dinya seba îşxalî verê xo da Kobanê. DAÎŞo ke Musul û nêmeyê Sûrîye îşxal kerdî û xîlafet û dewlete îlan kerdî reya verêne Kobanê de hetê şerwananê YPG û YPJyî ra ame binkerdene ke no têkoşînêko pîl bi. Cerganê DAÎŞî 15ê êlula 2014î de bi çekanê Amerîka Musul vist dest û bi çekanê Rûsya Reqa vist dest hêrişê Kobanê kerd. Netîceyê xoverdayîşê 134 rojan ê şerwananê YPG û YPJyî û şarî cergê DAÎŞî bi hawayêkê pîlî ameyî çin kerdene.

Derba ke DAÎŞî 26ê çeleyê 2015î de Kobanê de werde seba DAÎŞî bi ''destpêkê qedîyayîşî''. A roje ra dima DAÎŞ qels bî û 21ê adara 2019î de şaristanê Baxozî yê Dêra Zorê de serdestîya înan a erdî ameye qedînayene. Viraştoxê serkewtişê Kobanê ra yew fermandaranê YPGyî ra Serdar Helebî ANF reyde qala ê çaxî kerde.

Serdar Helebî vist vîrî ke wexto ke DAÎŞî hêrişê Kobanê kerd zaf xurt bibi û vat: "Seba ke şoriş Kobanê de dest pêkerdbi û Rayberê ma wexto ke derbazê Rojawanî bi hêverî amebi Kobanê hêrişê Kobanê kerd.

Seba ke berpirsîyarîya şarê ma ma milî de bibî ma şarê xo pawitêne. Ma vatêne eke ma DAÎŞî ra hesab nêpersê şarê ma do ma ra heab biperso.

DAÎŞî fetwa vete ke mal, mulk û namusê kurdan helal ê. Erdoganî zî vatêne Kobanê do bikewa. Ma heqdarîya xo ra bwer kerdêne, ma bawer kerdêne ke ganî ma şarê xo û erdê xo bipawê.

Kobanê de têna Arînêke çinbî zaf Arînî estbî. Baran Arîn, Xwînda Arîn, Botanê Sor Arîn, Reşo Arîn etbî. Zaf embazê ma zî nêweşxaneyan de şehîd bibî. Kobanê sayê fedakarîya nê şehîdan ameye xelisnayene."

Helebî ard ziwan ke komêka merdiman ê bwerdaran bi fedakarî û waştişêkê pîlî DAÎŞo ke bi belaya sereyê dinya çin kerd û vat: "Kobanê seba DAÎŞî bîye destpêkê qedîyayîşî."