Hemserekê PYDyî Salih Muslimî derheqê hêrişanê îşxalî yê dewleta tirke yê vera Başûr û Rojawanî de ANFyî rê qisey kerd.

Muslimî da zanayene ke dewleta tirke zî sey DAÎŞî terorîst a û avt: ''Hêrişê peyênî Şehba ra heta Qendîlî her ca hedef kerdo, teyarayê dewleta tirke danê her cayî ro. No faşîzmê dewleta tirke bêçaretîya ci ya. Komployê înan ê Îstanbulî pûç bi. Coka dewleta tirke seba ke çimê kurdan bitersna hêrişan kena. Dewleta tirke kena ke pê nê hêrişan Kurdîstanî veng bikera.

Kurdî do şaristan û dewanê xo veng mekerê. Kurdî wa çar parçeyanê Kurdîstanî de çarçewa pawitişê meşrûyî de xo bipawê. Tek çareya kurdan xopawitişo meşrû yo. Pêro dinya wa nê hêrişanê barbaran bivîna û vengê xo veja. Dewleta tirke seba her kesî tehluke ya. Her kes wa cayê xo de xo bipawo. Ma paştî bidê pê û pîya têbigêrê.''