Dewleta tirke ya îşxlakere û  waranê sîvîan û xeylêk waranê  sey nêweşxane, warê petrolî yê Rojawanî dana bombayan ver.

Dewleta tirke ya îşxalkere pê droneyanê çekdaran da  waranê petrolî yê  Ewda û Leylanî yê Tirbesîyê ro.  Goreyê zanayînanê verênan wird waran de dû vejîya û herême de têgêrayîş dewam keno.

 Kantonê Şehba de zî warê teyarayan ê Minixî yê dewê Alqamîyê û Kefer Antunî yê Şera dîyayî bombayan ver. Herêma Şehba de 24 saetanê peyênan de bi seyan dewî dîyayî bombayan ver.
Dewanê  Melek, Bîr Kinês, Qîrwan Baba Mehmûd ve Ebû Ceradê  Dirbêsiyê de zî têgêrayîşê droneyanê çekdaran est o.

Kobanê de zî dewa Zormixar, Ziyaretê, Çariqlî,Siftekî û Qerqmoxî dîyayî bombayan ver. Dewa Koranî de yew mekteb dîya bombayan ver. Îşxalkeran şewa 19-20ê terîna peyêne de Kobanê de nêwexaneyê Covîdî rijna bi. Herême de sîvîlî bi hewayêkê sîstematîkî yenê pirodayene.

Dewa Alifero ya Qamişloyî zî pê havanan ameye pirodayene. Hêriş de vînîyayîşê ganî çîn o. Dewa Mekmenî ya Dêrazorî zî panc rey pê teyana şerî ameye pirodayene. Dewê Til Leben, Gûzeliyê, Til Tewîlî yê Til Temirî zî dîyayî bombayan ver. Bi hewayê hemwexextî Amûde de zî dewê Şorikê, Haside ve Til Kefe pê topan ameyî pirdoyane.
Hêrişanê peyênan de çimeyê bingeyî yê ke şar pê îdareyê xo keno bi zanayîşî yenê hedefgirewtene. Mîyanê nînan de embarê xeleyî zî est ê.