Merkezê Çapemenîye yê Hêzanê Pawitişê Şarî yê Rojawanî derheqê hêrişê dewleta tirke ya îşxalkere yê vera Koyê Qereçoxî, dewanê Şirik û Teqil Baqilî û hêrişê droneyê çekterayî yê vera dewa Xanê Seri yê bajarê Dêrikî de eşkerayîye daye.

Eşkerayîye de ame vîrvistene ke dewleta tirke ya îşxalkere bi teyarayan, topanê giranan û çeteyan hêrişê Rojawanî kena û ame vatene îşxalkerî kenê ke ver bi Awbendê Tişrinî û Pirdê Qereqozaxî aver şirê.

Dewleta tirke ya îşxalkere 10ê çeleyî de Koçerat, Koyê Qereçoxî û dewê Teqil Beqilî  dayî bombayan ver. Reyna dewa Xena Seri de wesayîtêk da bombayan ver. Netîceya hêrişî de wesayît de di hemwelatîyî şehîd bîyî. Nizdê cayê bombardumanî de hemwelatîyêk zî linga xo ra birîndar bi.''