Hesekê û Dêra Zorê de şarê Serêkanîyê yo ke kampan de maneno, û Meclîsê Sivîlî yê Dêra Zorê hêrişê îşxalî yê dewleta tirke yê vera Serêkanîyê bi eşkerayîyan protesto kerdî.

Eşkerayîya Hesekê de ame parekerdene ke dewleta tirke erdê Sûrîye de îşxalker a û kena ke pêro Sûrîye îşxal bikera. Eşkerayîye de dîya zanayene ke QSD qerardar o ke şarê Rojawanî heta peyên bipawo.

Meclîsê Sivîlî yê Dêra Zorê zî eşkerayîya xo de ard ziwan ke dewleta tirke hêrişanê xo rê verê çimanê pêro dinya de dewam kena û bêvengîya hêzanê mîyanneteweyîyan dewleta tirke teşwîq kena.