Hêzanê Xelisnayîşê Efrînî (HRE) bi eşkerayîyêke pare kerd ke hêzanê înan Efrîn de û dormeyê ci de vera artêşa tirke ya îşxalkere û cerganê aye 13 û 15ê çeleyî de çalakîyê bitesîrî kerdî.

Eşkerayîya HRE wina ya:

"Hêzanê ma 13ê çeleyî de dormeyê dewa Kil Cibrînî ya herêma Ezazî de vera artêşa tirke ya îşxalkere û cerganê aye çalakîyêka sûîkastî kerde. Na çalakîye de cergêk ame kiştene.

Hêzanê ma 15ê çeleyî de dewa Vîlla Qadî ya qezaya Şera de vera wesayîtêko ke tede îşxalkerî estbî çalakîyêke kerde. Netîceyê na çalakîye de wesayît ame îmhakerdene û 2 cergê ke tede bîyî ameyî kiştene.

Artêşa îşxalkere û cerganê aye dewanê Şewarxa, Merenaz û Malikîyê yê qezaya Şera  ser o bi hawanan û topan bombayî varnayî. Herême de têgêrayîşê teyarayanê keşfî yê artêşa îşxalkerî dewam kenê."