HRE derheqê çalakîyanê vera artêşa tirke ya îşxalkere û cerganê aye de eşkerayîyêke daye.

Eşkerayîye de ame îfadekerdene ke herêmanê Efrînî û Ezazê de 17 û 18ê çeleyî de vera artêşa tirke ya îşxalkere  û cerganê aye de çalakîyê xurtî ameyî kerdene.

Goreyê eşkerayîye 17ê çeleyî de hêzanê HRE Ezazê de da baregehêkê artêşa tirke ya îşxalkere ro û netîceyê na çalakîye de 2 leşkerî birîndar bîyî.

Şewa 17ê çeleyî û serê sibayê 18ê çeleyî de zî dormeyê dewa Beradî ya qezaya Şêrawa ya Efrînî de 2 çalakîyê sabotajî ameyî kerdene û netîce de 6 cergê Firqat Hemzetî ameyî kiştene.

Eşkerayîye de ame vatene ke ''Heman wextî de 17 3u 18ê çeleyî de artêşa îşxalkere zaf dewê herêmanê Efrînî û Şehba ser o bi obusan bombayî varnayî. Herême de hema zî têgêrayîşê teyarayanê keşfî dewam kenê."