Cinîyê ke Kampa Holî de manenê xîret kenê ke fikranê xo vila bikê. Cinîyê DAÎŞîjî kampe de bi hawayêkê nimitkî xo rêxistin kerd û cinîyan bi hawayêkê zorî perwerde kenê ke îdelojîyê DAÎŞî ra dûrî nêkewê.

Cinîyê DAÎŞijî yê ke Kampa Holî de manenê mehkemeyanê şerî nanê ro. Cinîyî bi nameyê 'El Hisbe' komîteyêka cezakerdişî awan kerde û bi nê hawayî domanan zî tede kesanê ke îdeolojîyê DAÎŞî ra nêzdî nîyê tesbît kenê û dima qetil kenê. Cînîyêka bi nameyê H.B. ya ke şahîdê nê serebûtan bîye pare kerd ke cinîyê DAÎŞijî cinîyanê ke nêwazenê pê îdeolojîyê DAÎŞî têbigêrê qetil kenê. H.B. ya ke aslê xo de ewropayîj a vat: "Kampe de asayîşê cinîyan çin o. Cinîyî hetê komîteya El Hisbe ra yenê qetilkerdene. Kincê rengînî û goşdarîkerdişê muzîkî bi kiştişî yenê cezakerdene. Domanî zî bi nê hawayî yenê qetilkerdene."

Kampa Holî yê Hesekê de hemwelatîyê Sûrîye, Iraq û welatanê xerîban zî tede 40 hezar ra zêdêr DAÎŞijî manenê. Kampa Holî kampanê tewr bitehlûkeyan û pîlan ê dinya ra yew a.