Heyetê Îmraliyî yê DEM Partî ewro bado pêvînayîşê bi Raybe Apoyî do bi saeta ewropa 15:00 de û bi saeta herêmî 17:00 de Îstanbul de eşkerayîye bido.

Vengdayîşo tarîxî Amed û Wan de do ekrananê girdan ra bêro parekerdene. Ewropa de zî Merkezê Komelê Demokratîkî yê Kurdan de do ekranî bêrê ronayene.

KCDK-E derheqê eşkerayîya tarîxî de mesajêko nuştekî pare kerd û nê vatî: ''Nê prosesê muhîmî de ganî pêro şarê ma  eşkerayîya tarîxî goştarî bikero û wayîrê ci bivejo. Sere de cinîyî ganî heme şarê ma komeleyan û merkezanê komelî de bêro têhet û bi hewayêkê girseyî mesajî goştarî bikero.

Ma veng danê heme komele û merkezanê komelî ke wa ekrananê girdan ronê bibê cewabê prosesî.''