Estanika Şahê Maran, estanikêda mîtolojîk a û bi xorînîye temayê eşq û cinîye nîşanê ma dana. Na estanike de fîgurê cinîke, teyna sey karakterî ney,  eynî wext de eşq, zanayîye, hêz û xozaye zî temsîl kena.

Ma do nika cêr ra Estanika Şahê Maran de temayanê eşq û îtîmatî, îxanet, trajedî, zanayîye û cinîke senî ca girewto û yenê çi mana bigêrê xo dest û analîz bikerê 

* Nasnameyê Makî yê Şahê Maran

Şahê Maran hîna zêde sey fîgurê makî yeno teswîrkerdene. No nîşanê ma dano ke o teyna estişê fîzîkî ney, eynî wext de hetê makî yê xoza, şîfa û zanayîye zî temsîl keno. Na estanike de fîgurê cinîke, sey karekterêkê bihêzî, zanaye û zerrîveşn xo nîşan dano.  

* Eşq û îtimat

Estanika Şahê Maran de, eşq û îtîmat, zafêrî sey têkilîya mabênê xoza û însanî yenê teswîrkerdene. Estanike de vera însanan eşq û îtimatê Şahê Maran tam o. Bitaybetî têkilîya mabênê qehremanê estanike Camsab û Şahê Maran, sey eşqêkê platonîkî û hevalîya xorîne nîşan dana. Labelê no eşq û îtimat bi xayînîya însanî (Cansabî) bi şeklêkê trajîkî qedîyeno. No tenîkîya eşqî û vîndîkerdiş ahengê mabênê însan û xozaye mojneno ma.

* Zanayîye û Hêzê Cinîke

Şahê Maran, nîşanê zanayîye û hêzê cinîyan o. Zanayîya ey, teyna şexsî nîya, eynî wextê wayîrê dîmensîyonê komelkîya zî. Şahê Maran, şîfa dano însanan, sirranê xozaye dano înan. No rolê cinîyanê şîfadayîş, seveknayîş û zanayîşî mojneno. Eynî wext de merdişê Şahê Maran zî, yanî bi neqlkerdişê nê zanayîşan reseno peynîye. No mendişê mîras û têsîrê cinîyan nîşan dano.

* Îxanet û Trajedîyê Şahê Maran

Estanika Şahê Maran de zafêrî eşq bi îxanetî qedîyeno. Însanî her çiqas Şahê Maran ra hes bikerê zî, seba kara xo ey feda kenê. Na rewşe hetê trajedîyê estanike û nakokîya têkilîya însan û xozaye nîşan dana. Cinîke (Şahê Maran) vera nê îxanetê merdimî reyna zî zanaye û bimerhemet vindena, no zî hêz û pîlîya ci mojneno.

*Têkilîya Mabênê Cinîke û Xozaye

Şahê Maran, sey parçeyê xozaye yeno teswîrkerdene. Nasnameyê makîyî ya ey, mojnena ma ke makîya xozaye zî est a.  Na têkilîya xoza û cinîyan a xorîne, seveknayîşê xozaye û weyekerdişê xozaye nîşan dano. Cayo ke Şahê Maran tede ciwîyeno (sey eşkefte, binerd), hetê pîroz û nimitkîyê xozaye temsîl keno.

* Şiroveyanê Modernan de Cinîke û Eşq

Edebîyat û hunerê modernî de Şahê Maran, sey nîşanê fîgurê xoverdayîş û hêzê cinîyan newe ra ameyo şirovekerdene. Bitaybetî edebîyatê kurdî û dîskuranê femînîstî de Şahê Maran, derheqê rolê cinîyan ê kolmelî de sey metaforê bihêzî ca girewto.