Kobanê de bi wesîleya serrgêra Qirkerdişê Parisî rayarşîyayîşêk ame organîzekerene. Serrgêra 8. ya şehadetê înan de Sakîne Cansiz, Fîdan Dogan û Leyla Şaylemez ameyî vîrardene.

Serkêşîya Kongraya Starî ya Herêma Firatî de şar Meydanê Cinîya Azade ame pêser û ver bi Meydanê Şehîd Egîdî de xeyma grevê vêşanîye tede ameya ronayene rayra şi. Çalakîye de posterê Rayberê Şarê Kurdî Abdullah Ocalanî û fotografê şehîdanê kurdan  ê ke Paris, Silopî û xoverdayîşê Rojawanî de şehîd bîyî ameyî kitiştene.Badê rayraşîyayîşî semedê şehîdan rêz ame girewtene û dima ra Endama Kongreya Starî Mizgîne Xelîl qisey kerd.

Xelîle vat: ''Qirkerdişê Parisî hetê dewleta tirke û wertaxanê înan ra ame kerdene ke dewamê komployê vera Rayberîye bi. Şexsê Sakîne Cansiz de têgêrayîşê cinîyan rê hêriş ame kerdene. Dewlete ke pê Qirkerdişê Parisî waştişê înan nêame ca eynî tarîx de Vakûrê Kudîstanî de Silopî de hîrê cinîyê şorişgêrî hedef girewtî. Reyna Endama Îdareyê Partîya Ameyoxî ya Sûrîye Hevrîne Xelef zî bîye hedefê qirkerdişî. La rixmê heme hêrişan ê nêeşkayî vernîya xoverdayîşê kurdan bigerê. Ewro xoverdayîşê Sakîne Cansiz şexsê Leyla Guven û hezaran cinîyan ê ke zîndan de yê dewam keno.  Nê qerikerdişî ra her kes berpirsîyar o. Sere de Fransa berpirsîyar o. Mehkeme heqanê merdiman ê mîyanneteweyî vera qirkerdişanê ke vera cinîyan bîyî bêvengê. Ganî wezîfeyê xo bîyarê ca hesabê qirkerdişan bipersê. Ma do rêça Sakîneyan de şirê.''