Şaristanê Kobanê yê Rojawanê Kurdîstanî de bi hezaran kesan seba azadîya Rayberê Şarê Kurdî Abdullah Ocalanî rayraşîyayîşêk kerd. Rayraşîyayîşê bi şîarê 'Ma bi ruhê şarî yê şorişgêrî şorişî bivisnê destî, Rayber Apoyî azad bikerê' de posterê Rayberê Şarê Kurdî ameyî kiriştene.

Bi hezaran kesan rayraşîyayîş de vera sloganê sey “Bê Serok Jiyan Nabe”, “Bimirin mêtînger” vatî. Rayraşîyayîş dima vurîya mîtîngî. Mîtîng de Endama Kongreya Starî Macîda Hesûn qisey kerd û bêvengîya hêzanê mîyanneteweyîyan a vera tecrîdî şermezar kerde.

Macîda Hesûn îfade kerd ke tecrîdê vera Rayberê Şarê Kurdî dewamê Komployê Mîyanneteweyî yo.

Hesûne vat: ''Ma seba ke kolonyalîstan ra bixelisê Şerê Şarî yê Şorişgêrî rê dewam bikerê. Wa her kes vera hêrişanê îşxalî yew bibo û seba azadîya Ocalanî tim têkoşîn bikero.''