Vervatoxê Meclîsê Leşkerî yê Girê Sipî Erdal Kobanê derheqê hêrişê îşxalî yê dewleta tirke de ANFyî rê qisey kerd.

Erdal Kobanê ard ziwan ke dewleta tirke wazenê herême îşxal bikero tede reyna çeteyan ca bikero û vat: "Hêrişanê ke 19ê teşrîna peyêne de dest pêkerd û Dêrikî ra heta Şehba heme herême hedef genê, di hewteyî xo dima verdayî. Bi desan dewê ke sîvîlî tede yê yenê hedef girewtene. Reyna fermandarî zî tede xeylêk leşkerê hukmatê Şamî ameyî qetilkerdene.  Rixmê nê pêrune hukmatê Şamî û Rûsya bêveng ê. Dewleta tirke waşt ke bi hêrişanê hewayî herême bikero veng la hesabênê ci nêtepişt. Ê raştê têkoşînê şarî ameyî. Rixmê heme hêrişan şarê ma erdê xo canêverda. Hem zî hêrişî têna xeta sînorî de nêbîyî. Banê şarî, mektebî, nêweşxaneyî ameyî hedefgirewtene. Hêrişî çend zêdîyayî şar zafêr virar şi herra xo ra. Ma sey QSDyî qicê nê şarî yê.  Ma do herra xo bi ganê xo bipawê.  Heta ke ma bibê, dewleta tirke do nêeşko na herre îşxal bikero. Ma qerardar ê û vera heme hêrişan amede yê.”