Şerwana YPJyî Êvare Newal: ''Ma nêverdê ke dişmenî erdê Rojawanî de rehet biciwîyê, ma do erdê xo dişmenan rê bikerê goristan. Ma do qesasê embazanê xo yê şehîdan bigêrê, no zî sozê ma yo û ma do birînanê xo bi azadî û xelisnayîşê welatî derman bikerê."
Her şerwanêka YPJyî zerrîya xo de sanikêke nimnena, her sanike de zî yew xoverdayîş, têkoşîn û rayberî esta. Na şerwanan ra yew zî êvare Newal a.
Şerwana YPJyî Êvare Newal a ke Kobanê ra ya û serra 2014î de tewrê xoverdayîşî bîye. Êvare xelisnayîşê Kobanê ra dima verê xo da Yewînanê Pawitişê Cinîyan (YPJ) ke vera zîhnîyetê îqtîdarî şer bikera. Êvare hemleya Minbicî, Xoverdayîşê Serdemî û Xoverdayîşê Rûmetî da ca girewt.
Şerwana YPJyî Êvare Newal rastê embazanê xo ameye ke her yew seba aye bîye estareyêk. Êvare Newale vana: "Xoverdayîşo ke Efrîn de ame kerdene ra heta ê Serêkanîyê û heta xoverdayîşê nikayênî yê şerwananê YPG û YPJyî tersêkê pîlî dano dewleta tirke. Ma nêverdê ke dişmenî erdê Rojawanî de rehet biciwîyê, ma do erdê xo dişmenan rê bikerê goristan. Ma do qesasê embazanê xo yê şehîdan bigêrê, no zî sozê ma yo û ma do birînanê xo bi azadî û xelisnayîşê welatî derman bikerê."
