Buroyê Huqûqî yê Asrinî bi eşkerayîyêke dabi zanayene ke înan eşnawito ke Rayberê Şarê Kurdî Abdullah Ocalanî 20-29ê êlule de zîyaretê Îmraliyî de pêvînayîşê bi CPTyî red kerdo. Cinîyan ê ciwanan ê qezaya Şêranî derheqê babete de ANFyî rê qisey kerd.

Şêrîne Etî dîyar kerd ke heta ke Rayberê Şarê Kurdî azad nêbo ê do meydanan de bibê û vat: ''Ma hetê Rayberîya xo de yê. Rayberê ma zî bi hawayêkê fîzîkî nêbo zî bi ruhî hetê ma de yo. Ma sey cinîyan heta azadîya ey meydanan de bibê.''

Ahîne Etî vat: ''Rayber Apoyî cinîyî koletîya bi serran ra xelisnayî. Ganî ma zî heta azadîya Rayber Apoyî têkoşîn bikerê. Nika dewleta tirke hêrişê herêma ma kena. Ma sey cinîyan çeperanê şerî de yê û heta azadîye ma do xover bidê.''

Necahe Mislim vat: ''Dewleta tirke zanena ke eke Rayberê ma azad bibo a do birijîya. Ma venga pêro ciwanan danê ke ganî tim meydanan de bibê û heta azadîya Rayber Apoyî xo ver bidê.''