Şorişê Rojawanî reyde mîyanê şarî de sîstemê ekolojî û îdareyanê herêmîyan ame vilakerdene.

11 hezar endamê Ekolojî û Îdareyanê Herêmîyan est ê, Rojawan de 142 şaredarîyî est ê û 47 komîteyî est ê.  Hetkara Hemserekîya Ekolojî û Îdareyanê Herêmîyan a Herêma Cizîre Bêrîvane Omer pare derheqê babete de ANFyî rê qisey kerd.

Hetkara Hemserekîya Ekolojî û Îdareyanê Herêmîyan a Herêma Cizîre Bêrîvane Omer da zanayene ke ê xîret kenê ke hewcedarîyanê şarî peyda bikerê û vat: ''Weçînayîşê 2015î de Meclîsê Şaredarîyanê Şarî ameyî awankerdene. Şaredarîyî pabesteyê meclîsan ê. Awankerdişê nê sîstemî zaf zehmet bi, qesawetî est bîyî. La ma xîret kenê ke bêkêmasî sîstemê xo bîyarê ca.

Xora 2012 ra nata averşîyayîşî zî est ê. La astengîyî tim vejîyenê vernîya ma. Mîsal ma serrêke cayêk de daran nanê ro la serra bîne darî kokî ra birîyenê. Hema tay çîyî nêroniştî. Nê warî de perwerdekerdişê şarî qels mendo. Warê pakîye de zî ma hema asta ke wazenê de nîyê. Seba tay çîyan wext lazim o. Erkê ma yo ke ma bi mesuldarîyanê xo têbigêrê.''