Yewîya Cinîyan ê Ciwanan ê Minbicî vera tecrîdê serê Rayberê Şarê Kurdî Abdullah Ocalanî bi şîarê  "Bi şorişê jin, jiyan, azadiye ma do Rayber Apoyî biresnê azadîya ci ya fîzîkîye " çalakîye organîze kerde.

Xeylêk dezgehanê cinîyan ê bajarî zî paştî daye çalakîye. Cinîyan badê rayraşîyayîşî mîtîng viraşt û eşkerayîye daye. Cinîyan vera tecrîdê giranî hêrsê xo ard ziwan û veng da CPT û dezgehanê eleqedaran ê Ewropa ke wa vera tecrîdî bêveng memanê û semedê şiknayîşê tecrîdî şirê Tirkîya ser.