Meclîsê Sûrîyeya Demokratîke (MSD) wextanê peyênan de goreyê netîceyanê komxebata dîyalogî ya Sûrîye-Sûrîye ya hîrêyine ke rojanê 27 û 28’ê Adare de viraştebî, cehdê xo kerdî zêde. Sey netîceyê xebate beşdaran serê xerîteya çareserîya alozîya Sûrîye goreyê qanûnê Sûrîye pê kerd.

 Endamê Komîteya Komxebatan a MSD’yî Hisên Umerî vat ke ê amadekarîyan kenê ke Almanya û welatanê Skandînavya de komxebatan bikerê. Umerî vat, ê komxebatan de do tecrubeyê projeyê Îdareyê xoserî û xerîteya komxebata dîyalogî ya Sûrîye-Sûrîye ya hîrêyine bêrê munaqeşekerdene. Heman wextî de teşebus yeno kerdene ke kongreyêka neteweyîye û pêroyîye ke hêz û şexsîyetê muxalefetê Sûrîye tede ca gênê bêro viraştene. Umerî bale ante serê komxebatanê ke Parîs û Vîyana de ameyê viraştene û vat, “Seba serkewtişê her di komxebatanê MSD’yî ma teşwîq bîyî ke komxebatanê bînan zî teber de organîze bikerê. Xusûsen zî zafaneyê muxalefetê aktîfî, vînayîşê cîyayî û yê ke hesasîyetê înan seba Îdareyê Xoserî esto, teber de yo.”