Endamê 'Înîsîyatîfê Abdullah Ocalanî rê Azadîye' Ferzende Munzurî ANFyî rê qisey kerd û tecrîdê vera Rayberê Şarê Kurdî Abdullah Ocalanî ercna.

Ferzende Munzurî  vist vîrî ke Rayberê Şarê Kurdî nêeşkeno keye û avûkatanê xo bivîno û vat: ''Ganî Ocalan binê tedawî de bibo. Ma zanenê ke rewşa Rayberîye hol nîyan la ma nêzanenê ke tedawî vîneno yan nê. Şert û mercê Îmraliyî giran ê. Dinya de mîsalêko bîn ê na rewşe çin o. Pêro heqê Rayber Apoyî yenê astengkerdene. Dinya vera nê tecrîdî bêveng a. Ganî komîteyê sey CPTyî şorê Îmraliyî û rewşa Rayber Apoyî çimdarîye bikerê. CPTyî bi xo vat ke Îmrali de îşkence est o la vera na rewşe gamêka pozîtîfe nêeşte. Na bêvengîye zî firsend dana dewleta tirke.

Projeyê Rayber Apoyî menfaatê dewleta tirke rê nênê. Dewleta tirke paradîgmaya Rayber Apoyî ra tersena. Şerm o ke Rayber Apo serrêke ra nata nêeşkeno avûkatan û keyeyê xo bivîno. Ma deyndarê Rayber Apoyî yê. Şarê kurdî û dostê înan ganî seba azadîya Rayber Apoyî têkoşîn bikerê. Xoverdayîşê Îmraliyî ma rê mesajêko pîl o. Seba azadîya Rayberê Şarê Kurdî Abdullah Ocalanî têkoşînêko pîl yeno kerdene la qîm nêkeno. Ganî têkoşîn bêro xurtkerdene.''

Ferzende Munzurî da zanayene ke Ocalanî prosesê Îmraliyî de vurîyayîşê tarîxîyî kerdî. Munzurî vat: ''Rayber Apoyî Îmrali kerdo warê newe ra ganîbîyayîşî, paradîgma uac de aferna. Seba ke Komployo Mîyanneteweyî global bi ganî cewab zî global bibo.''