Nuştox û rojnamegerê kurdî Hasan Zazayo ke Şam de maneno, derheqê hêrişanê îşxalî yê dewleta tirke de ANFyî rê qisey kerd.

Hasan Zazayî pare kerd ke dewleta tirke seba plananê xo yê îşxalê Kurdîstanî bahaneyan virazena û vat: ''Erdogan û dewleta tirke tersê gerîlayan ra vera kurdan dişmenîya tewr pîle kenê. Coka çekê kîmyewîyî û bombayê nuklerî şuxilnayî. Şarê kurdî hetê leşkerî û sîyasî ra bi her hawayî vera hêrişan têkoşîn bikera. Seba ke verê hêrişanê kîmyewîyan û qirkerdişan bêro girewtene ma venga rayaumûmîya dinya, dezgehanê mîyanneteweyîyan, Neteweyanê Yewbîyayeyan û hêzanê mîyanneteweyîyan danê ke tewirê xo bimojnê.''

Hasan Zazayî da zanayene ke ê sey kurdanê Şamî gerîlayan reyde yê ke vera îşxalî şer kenê û vat: ''Çapemenîya ereban vera hêrişanê îşxalî tênêgêrena, hêrişanê Erdoganî peygoş kena. Vera şuxilnayîşê çekanê kîmyewîyan tewirê medyaya ereban kêm o. Medyaya ereban ganî weşangerîyêka winayêne bikera ke rîyê Erdoganî yo raşt bêro dayene.''