Operasyonê Kampa Holî ke semedê pawitişê roniştoxanê kampe û tesfîyekerdişê çeteyanê DAÎŞî yeno kerdene roja hîrêne de yo. Operasyon de xeylêk çeteyî ameyî tepiştene û melezemeyo leşkerî ame destfînayene.
Operasyono ke Hêzanê Asayîşê Zereyî yê Rojawanî 28ê adar de Kampa Holî de da destpêkerdene roja hîrêne de dewam keno.
Operasyon de xeylêk çeteyê DAÎŞî ameyî tepiştene. Reyna binê erdî xeylê guleyê kalaşnîkov, kutîyê guleyanê BKCyî, çilayê ke pê enerjîya tîje xebiteyen, melzemeyê teknîkî sey telefon û tabletî û xeyê ke semedê perwerde, mehkeme û kombîyayîşan yenê şuxulnayene ameyî destfînayene.
Di rojanê verênan ê operasyonî de 4 înan payeberzî 23 çeteyî ameybî tepiştene. Çeteyê ke ameyî tepiştene mîyanê înan berpirsîyarê karanê leşkerî yê kampe Ebu Ekrem Haşim Şilal, berpirsîyarê rxêsitinkerdişî Ebu Muhammed Akil Resmil Huseyin û berpirsîyarê grûba bi nameyê Usame Mersul Sami Muhammed û birayê ci Selam Sami Muhammed zî estê.
