Vervatoxa Hemserekîya Îdareyê Xoserî ya Rojawanî Emîne Osê serrgêra hêrişanê îşxalî yê 9ê Teşrîna Verêne yê vera Serêkanîyê û Girê Sipî de ANFyî reyde qisey kerd.

Qiseykerdişê Emîne Osê ra beşêk wina yo:

''Amerîka û Rûsya tim danê piro û seba nê pirodayîşê xo herême xebitnenê. Rûsya vera ma tim dewleta tirke xebitnena, Amerîka zî wina têgêrena. Senî ke dewleta tirke vera ma sey gefêk yena xebitnayena ma zî vera dewleta tirke sey gefêk yenê xebitnayene. Nika vanê îxtîmalêkê hêrişî çin o la ma pê înan bawer nîyê. Coka ma tedbîranê xo ra fek vera nêdanê. Ma do sey Îdareyê Xoserî her ca de têkoşîn bikerê. Armancê ma yo verên no yo ke ma do herêmanê îşxalkerdeyan bixelisnê.

Ma seba naye soz da şarê xo û ma xîret bikerê ke şarê ma do abigêro erdê xo ser. Pêro xîreyê ma yê sîyasî û dîplomatîkî na çarçewe de yê. Serra 2012î ra nata Sûrîye de pêro çareserîyê seba meseleyan pûç bîyî, tira netîceyêke nêvîjaye. Sey Îdareyê Xoserî wezîfeyê ma yo ke ma peyê firsendanê xelisnayîşê îşxalî de bibê.  Estbîyayîşê înan girêdayîya xelisnayîşê herêman ê îşxalkerdeyan o. No erd erdê şarê ma yo.Dewleta tirke û cergê ci tîya de xerîb ê. Şarê ma zî înan qebul nêkeno.''