Kurdîstanijê bi nameyê Orhan Engîno ke 2011 de domananê xo de Çekya de multecî yo û tîya de restorantêk îdare kerdêne, 8ê kanûne de Prag de ame destbendkerdene.

Ergîno ke bira 'terkê welatî bike' yê mehkemeya herêmîye nêardbî ca wextêkî ra nata destbenderde bi. Dima ke Mehkemeya Qanûnê Bingeyî bire xera kerde, 8ê kanûne de Ergîn vera dîya la bi bahaneya ke derheqê ci de tehqîqatêkê nimiteyî est o wexto ke mehkeme ra vejîyayêne reyna tepişîya.

Avûkatê Ergînî bi eşkerayîyêke da zanayene ke Tirkîya de bira tepiştişî dîyaye coka polîsanê Çekya ey rê tedaya 'terkê welatî bike' kerde la mehkeme nêverda tedaya ey bêra kerdene. Eşkerayîye de ame vatene ke Ergîn dima  beşdarîya çalakîyanê seba Kobanê û pêvînayîşê bi îdarekaranê Rojawanî ra sey endamê PKK û YPGyî ame sûcdarkerdene.

Avûkatan vera tepişîyayîşê Ergînî nêrazîbîyayîşê xo mojna û îfade kerd ke îdîanameyê polîsan qanûnî nîyo, goreyê îfadeyanê şahidanê nimiteyan nusîyayo û tede spekulasyonî pirr ê.