Meclîsê Pêroyî yê Partîya Yewîya Demokratîke (PYD) derheqê sûcdarîya dewleta tirke ya ke vana hêrişê Taksîmî hêzanê Rojawanî kerda de eşkerayîyêke daye.

Eşkerayîye wina ya:

''Ma hêrişê Taksîmî şermezar kenê û nê hêrişê vera sivîlan sey sûcê vera merdimatîye vînenê. Dewleta tirke ya ke her roje sivîlan kena qestî ra nê hêrişî kena milê hêzanê ma û bi nê hawayî zî hêriş û îşxalê vera Rojawanî bikera meşrû.  No hêrişo ke hetê MÎTî ra serûber bîyo armanc keno ke QSDyî krîmînalîze bikero û zemînê îşxalî rê dinya îqna bikero. Dewleta tirke verî zî vera hêzanê demokratîkan û şaranê Tirkîya kayê winayênî kerdbî.

Wa komelo mîyanneteweyî pê nê kayî mexapîyo. Îqtîdarê Tirkîya yo ke hukmatê şerê taybetî yo keno ke sûcanê xo yê çekanê kîmyewîyan binimno. Ma venga şaranê Tirkîya danê ke wa verê propagandayanê MÎTî de baldar bibê û tira bawer mekerê. Ma ganî vera hkmatê Erdogan û Bahçelîyî yew bibê û şerê înan ê taybetî bin bivisnê.

Ma reyna nê hêrişî şermezar kenê, keyeyanê meftayan ra serweşîye wazenê û birîndaran rê şîfaya xeyrîne wazenê.''