Bajarê Qamiloyî yê Rojawanî de bi se hezaran kesî semedê protestokerdişê hêrişanê kîmyewîyan ê dewleta tirke yê vera gerîlayan vejîyayî kuçeyan.

Şarê ke saetanê serî sibayî ra Rimêlan, Girkê Legê, Tirbespiyê, Çilaxa, Til Koçer, Til Birak, Til Hemîs, Amûdê û qezayanê Qamişloyî yê herêma Cizîre û Kantonê Hesekê ra Şedadê, Hol, Til Temir, Dirbêsiyê, Zirgan û qezayanê  Hesekê ra verê xo da warê çalakîye hîrê hetan ra rayraşîyayîş da destpêkerdene. Şaro ke Taxa Sîyahî, Nêweşxaneyê Fermanî û Camîyê Qasimoyî ra dest pê rayraşîyayîş kerd ver bi Stade Şehîdan ê 12ê Adare rayra şi. Kantonanê Qamişlo û Hesekê yê herêma Cizîre ra ereb,kurd, ermenî, suryanî û asûrîyî tewrê rayraşîyayîşî bîyî. Rayraşîyayîş de fotografê 17 gerîlayanê ke pê çekanê kîmyewîyan şehîd bîyî û beyraqê PKKyî ameyî kiriştene û sloganê "Bijî gerîla"  bîyî berz.

Badê rayraşîyayîşî do qiseykerdişî bêrê kerdene û Koma Awazên Çîya deyîran vajo.