Şaredarîya Qamişloyî seba ke serdestîya camêrdan a bazaran wedara û hetkarîya cinîyan bikera taxa Erbawiyê de bazarê taybetî yê seba cinîyan nana ro. Seba bazarê cinîyan xebatan êlula 2019î de dest pêkerd û yeno pawitene ke bazar nêzdî de do bêro akerdene.

Bazar de 14 dikanî do bêrê akerdene ke hetê cinîyan ra do bêrê îdarekerdene. Heta nika 11 cinîyan seba bazar muracat kerd.

Qasê 6 mengan cinîyan ra bac do nêro girewtene û dima zî bacêko tay do bêro girewtene. 

Hemsereka Şaredarîya Qamişloyî Mizgîne Hesen derheqê bazarî de qisey kerd û vat: "Armancê ma no yo ke cinîyî keyeyan ra bivejîyê û debarê xo bikerê. Nêzdî de amadekarîya ma do biqeda û bazarê ma do bêro akerdene."

Bazaro taybet ê seba cinîyan reya verêne hetê Komîteya Ekonomî ra Dêrik de 23ê nîsana 2018î de û dima zî Amûdê de amebi akerdene.