Bajarê Qamişloyî yê Rojawanî de bi wesîleya serrgêra qirkerdişê ke 12ê adara 2004î de hetê rejîmê Baasî ra vera şarê kurdî ame kerdene, aktîvîteyê yadkerdişî ameyî kerdene.

Semedê yadkerdişê kesanê ke Qirkerdişê 12ê Adare ame ameyî qetilkerdene, mezelanê taxa Qidorbegî yê Qamişloyî de bi seyan kurd û erebî ameyî têhet.

Endamê Partîya Yewîya Demokratîke (PYD) Hesne Remoyî ke tîya qisey kerd vat: ''Rejîmê Sûrîye waşt, bi qirkedişî projeyanê xo yê vera şarê kurdî bîyaro ca. La bi ruhê yewîya, pîyayîye û serhilanan nê planî ameyî betalkerdene. Ma ewro serê mezelanê şehîdan de binê serbanê sîstemê neteweya demokratîke û waybiratîya şaran  de ameyî têhet ke fikê Rayber Abdullah Ocalanî yo.''

Reyna bi desan keyeyê şehîdan û hemwelatîyî zî Şehîdgehê Şehîd Delîl Sarûxanî de ameyî têhet û kesê ke qirkerdiş de şehîd bîyî, ê yad kerdî. Qiseykerdişan de ame vatene ke  Serhildanê 12ê Adare bi bingeyê Şorişê 19ê Temmuze.

Aktîvîteya bîne ya yadkerdişî zî Stadê Şehîdgehê 12ê Adare de ameye kerdene. Aktîvîteya ke hetê Îdareyê Xoserî yê Herêma Cizîre ra bi şîarê ''Ma do bi ruhê serhildanê 12ê Adare, vera îşxalî ser bikewê û îradeyê şaran biresnê serkewtişî'' ameye kerdene, bi seyan kesê tewrê ci bîyî.