Delegeyanê Kongreyanê 12. ya PKKyî ra Têkoşîne Cûdî ard ziwan ke PKK rûhêk o û do çirey nêqedîyo û vat, ''Ma sey mîlîtananê Rayber Apoyî semedê cuyeyêka pêro şarî pîya eşkenê biciwîyê, ma do têkoşînê xo bibomnê.''
Delegeyanê Kongreya 12. ya PKKyî ra Têkoşîne Cûdî ya ke kongre de erjnayîşî kerdî nê vatî:
''PKK vera tarîtîye semedê her kesî bi roşn, 52 serrî yo bêmabên têkoşîn keno. Şerêko zaf giran rayra berd. Bedelê zaf giranî ameyî dayene, şehadetî qewimîyayî. Serkêşê heqîqetê PKKyî û cuya azade Rayber Apo yo. Semedê bedilnayîşê zîhnî û afirnayîşê komelê biwîjdanî, semedê wayîrvejîyayîşê erjanê şarî, semedê şarî faşîzmî ra xelisnayîşî û ronayîşê cuya newî Rayberîye 52 serrî bêmabên têkoşîn kerd. No têkoşîn roja ma de zî dewam keno û serkêşîya ci Rayber Apo keno. Ma sey mîlîtananê Rayber Apoyî seba ke biresê hedefê xo, waştişê xo bîyarê ca û seba ke cuyeyêka demokrat, seyyewbîne, azade ke pêro şarî eşkenê pîya biciwîyê ma do têkoşînê xo bidomnê. PKK 52 serrî yo nê bingeyî de rolo muhîm û tarîxî kay keno.
Ferqê PKKyî partîyanê bînan ra o yo ke partîya cinîyan a, ronayîşê partîya cinîyan a. Sekêşîya cinîye de komelêk yeno afirnayene. Rayber Apo seba ke cinîyî newe ra têkoşîn bikerê, xover bidê rayîrêk dî. Bi hezaran cinîyî tewrê nê şorişî bîyî. Têkoşîno ke serkêşîya cinîyan de ame averberdene û hîşmendîya cinîyan de zî PKKyî rolo gird kay kerd.Coka ez eşkenê nê vaje ke; PKK rohêk o û do çirey nêqedîyo. PKK eynî wextî de kultur o, huner o.''
