Merkezê Çapemenîya QSDyî bîlançoya 24 saetanê peyênan a xoverdayîşê vera dewleta tirke ya îşxalkere û çeteyanê ci eşkera kerd.

Eşkerayîya QSDyî de ca dîya nînan:

''Çalakîyê meşrûyî yê hêzanê ma yê vera hêrişanê dewleta tirke û çeteyanê ci dewam kenê. Vizêr (Îne) cepheyê Dêr Hafirî de çeteyêk ame kiştene. Yewîyanê Şehîd Harûnî vera wesayîtêkê nakilî yê çeteyan çalakîye kerde, wesayît ame îmhakerdene la hûmara merde û birîndaran zelale nêbîye.

Vakurê Awbendê Tişrînî de hêzanê ma cewab da hêrişê çeteyan û pêkewtiş vejîya. Pêkewtişan de 3 çeteyî ameyî kiştene û 5 çeteyî birîndar bîyî. Herême de droneyê çekdarî yê dewleta tirke gêrayî. Hetê bînî ra dormeyê awbendî  pê obusan dîya bombayan ver. Netîceya hêrişan de milkê şarî xesaro madî dî.

Hêzanê ma başûrê Kobanê de vera baregehê îşxalkeran ke qilê Qereqozaxî de yo, çalakîya bitesîre kerde. Badê çalakîye teqayîşo gird qewimîya û 4 saete şewat dewam kerd. Bi hewayêkê hemwextî Yewîyanê Şehîd Harunî hêrişê nuqtayêke kerd ke leşkerê tikrî tede ameybî pêser. Çalakîye de xeylê leşkerî birîndar bîyî. Hetê bînî ra hêzanê ma çadirêke îmha kerde.

Yewîyanê Pawitişî yê Cinîyan (YPJ) zî çarçewaya çalakîyanê meşrûyan de qilê Qereqozaxî de vera baregehê dewleta tirke çalakîya qehremankî kerde. Çalakîye de baregeho ke qala ci yena kerdene ame îmhakerdene, 10 çeteyî ameyî kiştene, 3ê înan leşkerê tirkan 14 çeteyî birîndar bîyî.

Dewleta tirke ya îşxalkere dewê Tîna, Cada, Bîr Hiso, Dîkan, Xeseq, Melha yê Kobanê û qilê Qereqozax û Sêvê dayî bombayan ver. Netîceya hêrişan de ziraro madî ame meydan. Dewleta tirke ya îşxalkere baregehê dewa Hoşeriyê  ra pê fuzeyan dewa Toramanî daye bombayan ver.''