Merkezê Çapemenîya QSDyî bîlançoya 24 saetanê peyênan a xoverdayîşê vera dewleta tirke ya îşxalkere û çeteyanê ci eşkera kerd.

Eşkerayîye de nê ameyî vatene:

''Cepheyê vakurê Awbendê Tişrînî de vizêr (pancşeme) pêkewtişanê mabênê hêzanê ma çeteyanê dewleta tirke ya îşxalkere xeylê çeteyî ameyî kiştene û birîndar bîyî. Reyna wesayîtê leşkerî yê îşxalkeran ameyî îmhakerdene û xeylê çeke, cepilxane û muhîmat ame destsernayene. Ewro saete 04.00 de mabênê hêzanê ma çeteyan de pêkewtişê giranî qewimîyayî. Pêkewtişan de grûbêke çeteyan ameye kiştene û birîndare bîye. Çeteyê bînî zî çeke û wesayîtê xo yê leşkerî caverdayî û remayî. Şervananê ma dest nê çekan û wesayîtan ser ke çeteyan caverdayî.
Çeteyan ke waşt agêrê nuqtayanê leşkerîyan raştê xoverdayîşê girdî yê şervananê ma ameyî, çeteyî ameyî kiştene û birîndar bîyî. Çeteyan bi takvîye reya hîrêyîne hêriş kerd, badê darbenê pêtan ê hêzanê herêma ra remayî.  Ame tespîtkerdene ke 7 çeteyî ameyî kiştene û xeylê birîndar bîyî.

Şervananê vakurê Awbendê Tişrînî de vera nuqtayanê çeteyan çalakîyî kerd, xeylê çeteyî ameyî kiştene û birîndar bîyî la hûmara înan bewlî nêbîye. Tîya çeteyî reya diyînî ameyî pirodayene û pêkewtiş qewimîya. Pêkewtiş de grûbêka çeteyan ameye kiştene û birîndar bîye. Hetê bînî ra hêzanê ma droneyêkê kamîkaze îmha kerd.

Hêzanê Pawitişî yê Cinîyan (YPJ) vakurê Awbendê Tişrînî de vera nuqtayanê çeteyan çalakîye kerde. Çalakîye de 2 çeteyî ameyî kiştene, xeylê zî birîndar bîyî. Dest nîya xeylê çeke û cepilxaneyê çeteyan ser.
 

Çalakîyan de 9 çeteyî ameyî kiştene, 20 çeteyî birîndar bîyî. Reyna 2 wesayîtê leşkerî ameyî îmhakerdene û xeylê muhîmato leşkerî ameyî destfînayene.

Dormeyê Awbendê Tişrînî de gêrayîşê droneyanê dewleta tirke ya îşxalkere û eştişê obusanê ci dewam kerd. Dewleta tirke ya îşxalkere dormeyê Pirdê Qereqozaxî bi obus, fuze û tanqan da bombayan ver. Başûrê Kobanê de dewê Tîne, Cade, Bîr Hiso, Dîkan, Melha û qilê Sêvî û Qereqozaxî 50 reyî bi topan dîyayî bombayan ver. Netîceya hêrişî de baxçe û keyeyanê şarî de xesaro madî yo pîl ame meydan.''