Merkezê Îrtîbatî û Çapemenîye yê QSDyî bîlançoya şerî ya 24 saetanê peyênan eşkera kerde. 

QSDyî vat: ‘’Awbendê Tişrînî de şerwananê ma vera di noqtayanê çeteyan çalakîyî kerdî, 2 çeteyî kişîyayî. Qereqozax û dormeyê ci de zî hûmarêka leşkeranê tirkan û çeteyî birîndar bîyî û çeperê îşxalkeran ameyî îmhakerdene.

Netîceyanê bombardumanan de dewanê Xeseq, El Tîna, Dîkan, Cadaa yê Kobanê û Meydanê Teyarayan ê Sirrînî de zerar resa mal û mulkanê roniştoxan.

Dormeyê şaristanê Dêr Hafirî de çeperê hêzanê ma dîya bombayan ver û 2 şerwanê ma şehîd bîyî.

Vakurê Tişrînî de artêşa îşxalkere çeperê hêzanê ma da bombayan ver. La şerwananê ma cewab da hêrişî û da teyarayanê îşxalkeran ro.

Dewleta îşxalkere Tişrîn, Kobanê, Sirrîn û Minbic qasê bi 200 top û tankan dayî bombayan ver.’’