Merkezê Îrtîbatî û Çapemenîye yê QSDyî bîlançoya 24 saetanê peyênan eşkera kerde. 

QSDyî nê detayî dayî:

''Roja şemeyî çeteyanê dewleta tirke hêrişê dewa Xirbê Zemala ya Minbicî kerd la şerwananê ma hêriş pûç kerd. Tîya de 4 çeteyî kişîyayî, 5 çeteyî birîndar bîyî, çeteyê bînî remayî û 2 dronî ameyî warvistene.

Dormeyê Awbendê Tişrînî vizêr zî bi giranî dîya bombayan ver. Droneyanê çekdaran ê dewleta îşxalkere xea çalakîya nobete ya Awbendê Tişrînî daye bombayan ver. Tîya de hemwelatîyêk şehîd bi û 12 hemwelatîyî birîndar bîyî.

Cepheyê Dêr Hafirî de zî noqtaya hêzanê ma dîyaye bombayan ver, 1 şerwanê ma şehîd bi û hîrê şerwanê ma birîndar bîyî.

Pirdê Qereqozaxî de hêzanê ma cewab da hêrişan. Dewa Qebir Îmoyî de 2 çeteyî kişîyayî û 4 çeteyî birîndar bîyî.

Çeteyan hêrişê noqtaya ma ya Girê Xwedê kerd la hêzanê ma hêriş şikna. Tîya de serçeteyê El Hemzatî Ebû El Harris Cizrawî zî 14 çeteyî kişîyayî. Dewê Bir Hisoyî, Xeseq û Melha û dormeyê Pirdê Qereqozaxî zî dîyayî bombayan ver la zerar nêresa ganê çewî ser.''

QSDyî pare kerd ke bi temamî 20 çeteyî kişîyayê, 9 çeteyî birîndar bîyê û 2 dronî ameyê warvistene.