Merkezê Çapemenîye yê QSDyî derheqê hêrişanê dewleta tirke û çeteyanê ci de eşkerayîye daye û nê vatî:

'2Hêzanê ma vizêr ( dişeme) cepheyê Dêr Hafîr de vera çeteyanê dewleta tirke çalakîyêka bitesîre kerde. Çalakîye de 2 çeteyî ameyî kiştene, çeteyêk birndar bi û wesayîtêko leşkerî ame îmhakerdene. Hêzanê ma dewa Îmamî de vera nuqtayêka çeteyan çalakîyêke kerde. Çalakîye de  çeteyêk birînar bi.

Cepheyê Tişrînî de Yewîyanê Şehîd Harunî dormeyê qilê Syria Telî de vera çeteyan çalakîye kerde. Dewa Hes Hisênî de vera çeteyan yewna çalakîye ameye kerdene. Wird çalakîyan de merde û birîndarê çeteyen est ê la hûmarê înan safî nêbîye.

Dewleta tirke û çeteyanê ci şewa ke şeme pabeste yewşemeyî heta saetanê serê sibayî dormeyê Abendê Tişrînî bi obusan da bombayan ver. Hetê bînî ra teyarayanê şerî banê xebatkaranê awbendî dayî bombayan ver. Hêrişan de xesaro madî ame meydan.

Reyna dewleta tirke ya îşxalkere bajarekê  Şiyûxa yê Kobanê  û dewê ci dayî bombayan ver. Hêriş de milkê sîvîlan xesar dî. Herême de gêrayîşê droneyanê çekdaran dewam kerd. Dormeyê Eyn Îsa zî bi çekanê giranan dîya bombayan ver, sîvîlêk bîrindar bi. Herême de teyarayê şerî û yê dewleta tirke gêrayî.

Şervananê ma vakurê Til Temirî de vera hêrişan çalakîye kerde. Çalakîye de çeteyêk ame kiştene.''