Hêzanê Sûrîyeya Demokratîke (QSD) eşkerayîya nuştekîye daye û nê vatî:

''Xoverdayîşo gird yê hêzanê ma yê vera dewleta tirke ya îşxalkere û çeteyanê ci herêmanê cîya cîyayan ê Rojawanî de dewam keno.

Saetanê nêmroje de dewleta tirke ya îşxalkere û çeteyanê ci hêirşê Qilê Syria Telî yê Minbicî û dewanê dormeyî kerd û mabênê hêzanê û çeteyan pêkewtişê giranî qewimîyayî. Pêkewtişan de 3 wesayîtê zirxinî yê çeteyan, pîkapêkê Toyota û panzerêko bi tîpê BMyî 5 wesayîtê leşkerî ameyî îmhakerdene û 15 çeteyî ameyî kiştene.

Yewîyanê Şehîd Harunî vera waranê kombîyayîşê çekteyanê çalakîye kerdene hûmarê ci bewlî nêbozî grûbêka çeteyan ameye kiştene.

Bado ke hêrişê çeteyan ame şiktene dewleta tirke ya îşxalkere bi teyarayanê şerî û droneyanê çekdaran hêrişê xo yê vera herême zêdînayî. Na rewşe reyna mojna ra ke efserê dewleta tirke ya îşxalkere bi xo odaya operasyonî îdare kenê.

Hûmara çeteyanê ke ameyî kiştene vizêr bîye 23 û 7 çeteyî birîndar bîyî.

Ewro (dişeme) saetanê serê sibayî artêşa tirke ya îşxalkere dewa Girik û omerekî yê Kobanê bi topan dayî bombayan ver, bi hewayêkê hemwexatî dewê Miberetîn û Sebetî yê qezaya Sirrînî ya Kobanê de fabrîkaya çîmetoyî dîyaye  bombayan ver.

Dewleta tirke ya îşxalkere seba ke çeteyan hêzanê ma ra derbeyê girdî werdî  bi teyarayanê şerî û droneyanê çekdaran herême dana bombayan ver ke moral bido çeteyan.''