Merkezê Îrtîbatî û Çapemenîye yê QSDyî bîlançoya şerî ya 14ê çeleyî ya Minbic û Tişrînî bi eşkerayîyêke pare kerde.

Eşkerayîye wina ya:

''Roja sêşemeyî, nêmroje ra dima çeteyan bi hetkarîya teyarayanê şerî û droneyanê çekdaran hêrişê Girê Syriatelî û dormeyê ci kerd. Hêriş de wesayîtê zirxînî yê BMByî û çekê doçka û tankî şuxilîyayî. Mabênê şerwananê ma û çeteyan de şerêko çetin qewimîya, 2 wesayîtê zirxînî ameyî îmhakerdene, 18 çeteyî kişîyayî û 9 çeteyî birîndar bîyî. 

Çeteyan dima ancî hêrişê girê Syriatelî kerd ka wesayîtêko zirxîn û doçkayê înan ameyî îmhakerdene û hêriş ame şiknayene.

Hêzanê ma bi temamî 19 çalakîyî kerdî. Nînan de 18 çeteyî kişîyayî, 7 wesayîtê zirxînî, 3 tankî û 6 wesayîtê leşkerîyî ameyî îmhakerdene.

Dima dewleta tirke ya îşxalkere û çeteyanê ci hêriş kerd û netîce de 5 endamê ma şehîd bîyî. 

Teyarayanê şerî yê dewleta tirke 4 reyî hêrişê Koyê Berkelî yê Kobanê kerd. 

Cepheyê Eyn Îsayî de şerwananê ma dewa Ebû El Zuhûrî vera çeteyanê artêşa îşxalkere çalakîyêke kerde, wesayîtêko leşkerî îmha kerd û tay çete kiştî û birîndar kerdî. Dewa Bîr Erebî bi giranî bi di droneyanê çekdaran dîyaye bombayan ver. Nînan ra yew ame teqnayene û oyo bîn zî ame îmhakerdene. 

Cepheyê Qereqozaxî de netîceya xoverdayîşê çetinî yê hêzanê ma de, dormeyê pirdî de 8 hêrişê dewayî vera dewanê Dîkan, depoyanê genimî, Sirîn, Girê Mexrîbatînî ameyî kerdene.

Teyarayanê şerî saetanê şewe de dormeyê Pirdê Qereqozaxî kerd hedef û dima dewê Bîr Hesen, Ceda, Dîkan û Sirînî dayî bombayan ver.''