Merkezê Çapemenîye yê QSDyî derheqê hêrişanêd dewleta tirke û çeteyanê ci de eşkerayîye daye û nê vatî:

''Vizêr (yewşeme) artêşa tirke ya îşxalkere û çeteyanê ci dormeyê Pirdê Qereqozaxî de vera dewan hêrişê xo yê wehşî domnayî. Droneyanê çekdaran ê îşxalkeran dewa Bîr Hesenî qilê Elûşî dayî bombayan ver. Eynî wextî de teyarayanê şerî yewna qil û dewa Xeseqî dayî bombayan ver. Hêrişan de xesaro madî ame meydan. Pîya bi hêrişê hewayî pê obus, tanq û havanan dormeyê Pirdê Qereqozaxî dîya bombayan ver. Dewê Tîna, Cada, Bîr Hesen, Xeseq, Dîkan, Melha  û El Sene û qilê Sêvê û Qereqozaxî  bi desan reyî dîyayî topan ver. Netîceya hêrişan de xesaro madi ame meydan.

Cepheyê Awbendê Tişrinî de dewleta tirke ya îşxalkere û çeteyanê ci şewa ka şeme pabeste yewşemeyî heta saetanê serê sibayî pê çekanê giranan dormeyê awbendî da bombayan ver. Eynî wextî de îşxalkeran û çeteyanê ci dormeyê dewanê Mesakin û El Umaliye pê topan da bombayn ver. Hêrişan de xesaro madî ame meydan.

Reyna dewleta tirke ya îşxalkere bajarekê Şêxler/El Şiyûxa yê Kobanê da bombayan ver. Hêriş de milkê sîvîlan xesar dî. Herême de gêrayîşê droneyanê çekdaran dewam kerd.  Eyn Îsa de zî teyarayê şerî û droneyê çekdarî yê dewleta tirke gêrayî.''