Merkezê Çapemenîye yê QSDyî derheqê hêrişanê dewleta tirke û çeteyanê ci yê roja sêşemeyî de  eşkerayîye daye û vat hêrişê  îşxalkeran ameyî şiknayene.

Eşkerayîye de nê ameyî vatene: ''Roja sêşemeyî hêzanê ma hêrişê artêşa tirke ya  îşxalkere û çeteyanê ci yê bipereyan yê vera mewzîyanê ma û heme cepheyanê ma şikitî.

Cepheyê Awbendê Tişrînî de; artêşa tirke ya îşxalkere dormeyê awbendî da bombayan ver, çeteyan zî bi droneyan hêrişê mewzîyanê ma kerd. şervananê ma cewabê hêrişan da, Yewîyanê Şehîd Harûnî grûbêka çeteyan hedef  girewt, çeteyêk ame kiştene û di çeteyî birîndar bîyî.

Cepheyê Dêr Hafirî de droneyê dewleta tirke herême ser o gêrayî. Çeteyan dewa El Îmam de hêrişê nuqtayêka hêzanê ma kerd. Şervanan cewab da û pêkewtiş vejîya, netîceya nê de xeylê çeteyî birîndar bîyî. Reyna nuqtaya bîne de çeteyan hêriş kerd û hêzanê ma cewab da, pêkewtiş vejîya. Pêkewtiş de xeylê çeteyî birîndar bîyî û teçhîzatê çeteyan ame îmhakerdene. Bi hewayêkê hemwextî di çeteyan kerd ke bikewê nuqtaya hêzanê ma la hêzanê ma yê asayîşî wird çeteyî zî tepiştî.

Cepheyê Qereqozaxî de teyarayanê şerî yê artêşa tirke dewê El Tina, Xeseq, Bir Hiso , El Tina, Cada, Bir Hiso, Xeseq, Dikan, Malha û Sernee  de qilê Sêvê û Qereqozaxî dayî bombayan ver. Nê herêman de nizdê se mermîyî ginayî war û keyeyanê sîvîlan û milkê şarî de xesaro madî ame meydan.''