QSDyî pare kerd ke hêrişê dewleta tirke û cerganê aye yê vera dewanê Serêkanîyê, Til Temirê, Eyn Îsa û Kobanê dewam kenê.

Eşkerayîya QSDyî wina ya:

''Artêşa îşxalkere û cerganê aye zaf herêman de têgêrayîşê xo dewam kenê û hêrişê hûmarêka dewanê xeta Serêkanîyê, Til Temirî, Eyn Îsa û Kobanê kerd.

Til Temir

Artêşa îşxalkere bi çekanê giranan û bi paştdayîşê teyarayanê bêmerdiman hêrişê cayanê sivîlan ê dewanê Erîşa û Salîhîye kerd. Netîce de zerarê madîyî resayî hêga û malanê hemwelatîyan ser. Komanê cergan bi çekanê giranan hêrişê dormeyê Til Mihemedî kerd.
 

Ebû Rasen

Komanê cergan ê ke pabesteyê artêşa tirke ya îşxalkere yê  bi çekanê giranan û hawanan hêrişê herêmanê sivîlan ê dormeyê dewa Bab El-Ferecî kerd.
 

Eyn Îsa

Artêşa Eişxalkere bi çekanê giranan herêmanê sivîlan ê dormeyê Tîna ser o bi hawayêkê giranî bombayî varnayî. Netîceyê na bombardûmane de zerarê madîyî resayî hêga û ma 3u mulkê hemwelatîyan ser."