Merkezê Çapemîya QSDyî bîlançoya 3 rojan eşkera kerde û da zanayene ke têgêrayîşê ÎHAyan û hêrişê îşxalkeran dewam kenê.

Eşkerayîye de ame vatene ke grûbanê çeteyan bi obus û hawanan herişê dewa Til Werdî yê Zîrganî kerd. Reyna Til Temir de îşxalkeran dewanê Armîyê, Erbeînî û Ing El Hewa de hêrişê mewzî û şerwanê Meclîsê Leşkeranê Suryanîyan kerd. Şerwanan çarçeweya xopawitişê meşrûyî de cewab da 2 îşxalkerî ameyî kiştene. QSDyî da pêhesanyene ke çeteyan bi obus û hewanan  hêrişê dewanê Qiz Elî, Sewame, Xifîyê, Dibis û Xirbit Farîsî yê Eyn Îsayî kerd. Netîceyê cewabdayîşê şerwanan ê çarçeweya xopaitişê meşrûyî de hêrişî ameyî vindarnayene.  Eşkerayîye de ame vatene ke netîceyê hêrişan de 2 şerwanî şehîd bîyî û 3 zî birîndar bîyî.