Fermandarîya Pêroyî ya QSDyî bîlançoya hêrişanê dewleta tirke yê vera Rojawanî eşkera kerde.

Eşkerayîye de ame vatene ke pê teyarayanê şerî û keşîfî, obus, top û çekanê bînan bi hezaran rey hêrişî ameyî kerdene. Nê hêrişan de Dêrikî ra heta Qamişloyî, Hesekê, Kobanê, Dêrezor û heta Şehba pêroyê Rojawanî ame hedefgirewtene.

QSDyî vat: “Netîceya hêrişan de heta nika de Efrîn de 5 şervanê kurdî şehîd bîyî. Herêmanê vakurê Firatî de 6 şervanê QSDyî  û 15 sîvîlî şehît bîyî ( Dêrik de 11, Til Temir de 2 û Mekmen de 2). Reyna keye, nêweşxane, mektep, îstasyonê mazotî û embarê zexîreyî  û dezgehanê xizmetî zirar dî. Ma prosesê wîna tarîxî de veng danê heme ciwananê herême. Wa wezîfeyê xo bîyarê ca wayîrê ercanê xo vejîyê. Semedê pawitişê herême wa berpirsîyarîya xo bîyarê ca.  Wa tewrê QSDyî bibê, çeka xo bîgêrê û erdê xo bipawê. Ma veng danê heme ciwananê kurd, ereb, suryanî, tirkmen û ermenîyan ke tewrê sefanê QSDyî bibê û herême bipawê.’’