Vervatoxo fermî yê Hêzê Sûrîyeya Demokratîke Kîno Gabrîyelî derheqê topo ke Sûrîye ra ameyo eştene bi Serê Kanî de eşkerayî daye.

 Eşkerayîye de wina ame vatene: “Şanê roja Dişemeyî yê 22’ê Temmuze de topêk hetê kesanê nênasan ra zereyê Sûrîye ra ameyo eştene ver bi bajarekê Serê kanî, netîce de tayê sîvîlî birîndar bîyî.”

 No kerdiş bi amacê şantajî hetê kesanê nênasan ra ameyo kerdene ke wazenê alozî virazê û zirar bidê herême ro.

 Hêzê Sûrîyeya Demokratîke û hêzê asayîşî seba naskerdişê kesanê peyê nê qewimîyayîşî cipersayîş da destpêkerdene.

 Ma şîfaya lezgîne birîndaran rê wazenê.”

Serra 2014 de qeydêkê vengî vejîyabi werte. Qeydê vengî de musteşarê MÎT’î wezîrê Karanê Teberî û serekê 2’yinî Artêşa Pêroyîye ya Tirkîya ra vatibi, „Hewce bikero ez do çar kesan bieşrawî Sûrîye. Do 8 fuzeyan bierzê Tirkîya û ez do nê çîyî bikerî sebebê şerî.“