Merkezê Îrtîbatî û Çapemenîye yê QSDyî bi eşkerayîyêke înan Zirgan de cewab da xîretê îşxalî yê cerganê dewleta tirke û 6 cergî kişîyayê.

QSDyî vat: ''24ê teşrîna peyêne de dewa Bobî ya Zirganî de cergan xîret kerd ke debikewê dewe. Hêzanê ma cewab da înan û naye ser o mabênê hêzanê ma û cergan de pêkewtiş qewimîya. Pêkewtişan de yew zerar nêresa hêzanê ma ser. Dewa Um Işbê de hêzanê ma bi çekanê giranan çalakîye kerde û netîceya na çalakîye de zî 4 îşxalkerî kişîyayî. Netîceya çalakîyanê hêzanê ma de bi temamî 6 cergî kişîyayî.''