Merkezê îrtîbatî û Çapemenîye yê QSDyî bîlançoya operasyonanê xo yê vera DAÎŞî yê serra 2021î eşkera kerde. Goreyê bîlanço vera DAÎŞî 115 operasyonî ameyî kerdene  û 802 kesî ameyî tepiştene.

Eşekrayîya QSDyî wina ya: ''QSDyî serra 2021î de Vakur û Rojhilatê Sûrîye de vera hucreyanê DAÎŞî xeylêk operasyonê serkewteyî kerdî. Xeylêk hêrişê terorî yê çeteyan ameyî betalkerdene. Dewrê peyênî de xeylêk operasyonî ameyî deşîfrekerdene û xeylêk hucreyî ameyî tesbîtkerdene û tepiştene. Xeylêk madeyê deqnayîşî ameyî destsernayene û îmhakerdene. Bitaybetî sînorê Sûrîye-Iraqî de vera hucreyanê DAÎŞî xeylêk operasyonî kerdî. 

Reyna kampa tewr bitehluke ya dinya û merkezê DAÎŞî Kampa Holî de xeylêk hêrişê terorî gerîyayî binê kontrolî. Pîya bi naye Hêzanê Asayîşê Zereyî reyde menga adare de vera DAÎŞî hemleya hempare dîyaye destpêkerdene. Hemle de bi desan endamê DAÎŞî ameyî tepiştene û xeylêk hêrişî ameyî astengkerdene. Reyna  bi paştdayîşê Îdareyê Xoserî yê Rojawanî verê tewrbîyayîşê rêxistina terorî ame girwtene û herêmanê gerimanan de cuya şarî gerîya binê îstîkrarî.

Şaro ke wextê serdestîya DAÎŞî de zirar dîyo ganî ci rê hetkarî bêrokerdene.Ma komelê mîyanneteweyî hîşyar kenê, beno ke DAÎŞ newe ra bêro ganîkerdene. Xeylêk raporan de yeno vînayene ke Tirkîya waranê îşxlakerdeyan ê Rojawanî de çeteyanê DAÎŞî perwerde kena. Hêrişê DAÎŞî û hêrişê îşxalî yê dewleta tirke bi hewayêkê hemwextî yenê kerdene. Hêrişê Tirkîya xoverdayîşê ma yê vera DAÎŞî asteng kenê. Gama ke hêzanê ma vera DAÎŞî operasyono serkewte kerd artêşa tirke hêrişê herêmanê ma kerd. No zî mojneno ke têkoşînê vera DAÎŞî senî zorê dewleta tirke şino.''

Bîlanço

Bîlançoya operasyonanê ma wina ya: 115 operasyonî ameyî kerdene, 93 hucreyî ameyî sereştene, 802 endam, şikdar û paştgêrê rêxistina hucreyî ameyî tepiştene, 47 hêrişî ameyî betalkerdene, 16planê pîlî hêrişê terorî ameyî pûçvetene, 87 teqnayîşî ameyî astengkerdene.